ಶ್ರೀರಾಮ ಧ್ಯಾನಂ

| ಶ್ರೀರಾಮ ಧ್ಯಾನಂ |

ವೇದವೇದ್ಯೇ ಪರೇ ಪುಂಸಿ ಜಾತೇ ದಶರಥಾತ್ಮಜೇ |

ವೇದಃ ಪ್ರಾಚೇತಸಾದಾಸೀತ್ ಸಾಕ್ಷಾದ್ರಾಮಾಯಣಾತ್ಮನಾ ||

ಕೂಜಂತಂ ರಾಮರಾಮೇತಿ ಮಧುರಂ ಮಧುರಾಕ್ಷರಂ |

ಆರುಹ್ಯ ಕವಿತಾಶಾಖಾಂ ವಂದೇ ವಾಲ್ಮೀಕಿಕೋಕಿಲಂ ||

ವಾಲ್ಮಿಕೇರ್ಮುನಿಸಿಂಹಸ್ಯ ಕವಿತಾವನಚಾರಿಣಃ |

ಶೃಣ್ವನ್ ರಾಮಕಥಾನಾದಂ ಕೋ ನ ಯಾತಿ ಪರಾಂ ಗತಿಂ ||

---------------------------------------------------------

| ಸ್ತವಃ |

ವಣಾನಾಮರ್ಥಸಂಘಾನಾಂ ರಸಾನಾಂ ಛಂದಸಾಮಪಿ |

ಮಂಗಲಾನಾಂ ಚ ಕರ್ತಾರೌ ವಂದೇ ವಾಣೀವಿನಾಯಕೌ ||

ಭವಾನೀಶಂಕರೌ ವಂದೇ ಶ್ರದ್ಧಾವಿಶ್ವಾಸರೂಪಿಣೌ |

ಯಾಭ್ಯಾಂ ವಿನಾ ನ ಪಶ್ಯಂತಿ ಸಿದ್ಧಾಃ ಸ್ವಾಂತಸ್ಥಮೀಶ್ವರಂ ||

ವಂದೇ ಬೋಧಮಯಂ ನಿತ್ಯಂ ಗುರುಂ ಶಂಕರರೂಪಿಣಂ |

ಯಮಾಶ್ರಿತೋ ಹಿ ವಕ್ರೋಪಿ ಚಂದ್ರಃ ಸರ್ವತ್ರ ವಂದ್ಯತೇ ||

ಸೀತಾರಾಮಗುಣಗ್ರಾಮಪುಣ್ಯಾರಣ್ಯವಿಹಾರಿಣೌ |

ವಂದೇ ವಿಶುದ್ಧವಿಜ್ಞಾನೌ ಕವೀಶ್ವರಕಪೀಶ್ವರೌ ||

ಉದ್ಭವಸ್ಥಿತಿಸಂಹಾರಕಾರಿಣೀಂ ಕ್ಲೇಶಹಾರಿಣೀಂ |

ಸರ್ವಶ್ರೇಯಸ್ಕರೀಂ ಸೀತಾಂ ನತೋಹಂ ರಾಮವಲ್ಲಭಾಂ ||

ಯನ್ಮಾಯಾವಶವರ್ತಿ ವಿಶ್ವಮಖಿಲಂ ಬ್ರಹ್ಮಾದಿದೇವಾಸುರಾಃ

ಯತ್ಸತ್ತ್ವಾದಮೃಶೈವ ಭಾತಿ ರಜ್ಜೌ ಯಥಾಹೇರ್ಭ್ರಮಃ |

ಯತ್ಪಾದಪ್ಲವಮೇಕಮೇವ ಹಿ ಭವಾಂಭೋಧೇಸ್ತಿತೀರ್ಷಾವತಾಂ

ವಂದೇಹಂ ತಮಶೇಷಕಾರಣಪರಂ ರಾಮಾಖ್ಯಾಮೀಶಂ ಹರಿಂ ||

ಪ್ರಸನ್ನತಾಂ ಯಾ ನ ಗತಾಭಿಷೇಕತಸ್ತಥಾ ನ ಮಮ್ಲೇವನವಾಸದುಃಖತಃ |

ಮುಖಾಂಬುಜಶ್ರೀ ರಘುನಂದನಸ್ಯ ಮೇ ಸದಾಸ್ತು ಸಾ ಮಂಜುಲಮಂಗಲಪ್ರದಾ ||

ನೀಲಾಂಬುಜಶ್ಯಾಮಲಕೋಮಲಾಂಗಂ ಸೀತಾಸಮಾರೋಪಿತವಾಮಭಾಗಂ |

ಪಾಣೌ ಮಹಾಸಾಯಕಚಾರುಚಾಪಂ ನಮಾಮಿ ರಾಮಂ ರಘುವಂಶನಾಥಂ ||

ಮೂಲಂ ಧರ್ಮರ್ತರೋರ್ವಿವೇಕಜಲಧೇಃ ಪೂರ್ಣೇಂದುಮಾನಂದನಂ

ವೈರಾಗ್ಯಾಂಬುಜಭಾಸ್ಕರಂ ಹ್ಯಘಘನಧ್ವಾಂತಾಪಹಂ ತಾಪಹಂ |

ಮೋಹಾಂಭೋಧರಪೂಗಪಾಟನವಿಧೌ ಸ್ವಃ ಸಂಭವಂ ಶಂಕರಂ

ವಂದೇ ಬ್ರಹ್ಮಕುಲಂ ಕಲಂಕಶಮನಂ ಶ್ರೀ ರಾಮಭೂಪಪ್ರಿಯಂ ||

ಸಾಂದ್ರಾನಂದಪ ಯೋದಸೌಭಗತನುಂ ಪೀತಾಂಬರಂ ಸುಂದರಂ

ಪಾಣೌ ಬಾಣಶರಾಸನಂ ಕಟಿಲಸತ್ತೂಣೀರಭಾರಂ ವರಂ |

ರಾಜೀವಾಯತಲೋಚನಂ ಧ್ರೂತಜಟಾಜೂಟೇನ ಸಂಶೋಭಿತಂ

ಸೀತಾಲಕ್ಷ್ಮಣಸಂಯುತಂ ಪಥಿಗತಂ ರಾಮಾಭಿರಾಮಂ ಭಜೇ ||

ಕುಂದೇದೀವರಸುಂದರಾವತಿಬಲೌ ವಿಜ್ಞಾನಧಾಮಾವುಭೌ

ಶೋಭಾಢ್ಯೌ ವರಧನ್ವಿನೌ ಶ್ರುತಿನುತೌ ಗೋವಿಪ್ರವೃಂದಪ್ರಿಯೌ |

ಮಾಯಾಮಾನುಷರೂಪಿಣೌ ರಘುವರೌ ಸದ್ಧರ್ಮವರ್ಮೌ ಹಿ ತೌ

ಸೀತಾನ್ವೇಷಣತತ್ಪರೌ ಪಥಿಗತೌ ಭಕ್ತಿಪ್ರದೌ ತೌ ಹಿ ನಃ ||

ಬ್ರಹ್ಮಾಂಭೋಧಿಸಮುಧ್ಭವಂ ಕಲಿಮಲಪ್ರಧ್ವಂಸನಂ ಚಾವ್ಯಯಂ

ಶ್ರೀಮಚ್ಛಂಭುಮುಖೇಂದುಸುಂದರವರೇ ಸಂಶೋಭಿತಂ ಸರ್ವದಾ |

ಸಂಸಾರಾಮಯಭೇಷಜಂ ಸುಖಕರಂ ಶ್ರೀಜಾನಕೀಜೀವನಂ

ಧನ್ಯಾಸ್ತೇ ಕೃತಿನಃ ಪಿಬಂತಿ ಸತತಂ ಶ್ರೀರಾಮನಾಮಾಮೃತಂ ||

ಶಾಂತಂ ಶಾಶ್ವತಮಪ್ರಮೇಯಮನಘಂ ನಿರ್ವಾಣಶಾಂತಿಪ್ರದಂ

ಬ್ರಹ್ಮಾಶಂಭುಫಣೀಂದ್ರಸೇವ್ಯಮನಿಶಂ ವೇದಾಂತವೇದ್ಯಂ ವಿಭುಂ |

ರಾಮಾಖ್ಯಂ ಜಗದೀಶ್ವರಂ ಸುರಗುರುಂ ಮಾಯಾಮನುಷ್ಯಂ ಹರಿಂ

ವಂದೇಹಂ ಕರುಣಾಕರಂ ರಘುವರಂ ಭೂಪಾಲಚೂಡಾಮಣಿಂ ||

ಕೇಕೀಕಂಠಾಭನೀಲಂ ಸುರವರವಿಲಸದ್ವಿಪ್ರಪಾದಾಬ್ಜಚಿಹ್ನಂ

ಶೋಭಾಢ್ಯಂ ಪೀತವಸ್ತ್ರಂ ಸರಸಿಜನಯನಂ ಸರ್ವದಾ ಸುಪ್ರಸನ್ನಂ |

ಪಾಣೌ ನಾರಾಚಚಾಪಂ ಕಪಿನಿಕರಯುತಂ ಬಂಧುನಾ ಸೇವ್ಯಮಾನಂ

ನೌಮೀಡ್ಯಂ ಜಾನಕೀಶಂ ರಘುವರಮನಿಶಂ ಪುಷ್ಪಕಾರೂಢರಾಮಂ ||

ಆರ್ತಾನಾಮಾರ್ತಿಹಂತಾರಂ ಭೀತಾನಾಂ ಭಯನಾಶನಂ

ದ್ವಿಷತಾಂ ಕಾಲದಂಡಂ ತಂ ರಾಮಚಂದ್ರಂ ನಮಾಮ್ಯಹಂ |

ಶ್ರೀರಾಘವಂ ದಶರಥಾತ್ಮಜಮಪ್ರಮೇಯಂ ಸೀತಾಪತಿಂ ರಘುಕುಲಾನ್ವಯರತ್ನದೀಪಂ

ಆಜಾನುಬಾಹುಮರವಿಂದದಲಾಯತಾಕ್ಷಂ ರಾಮಂ ನಿಶಾಚರವಿನಾಶಕರಂ ನಮಾಮಿ ||

ವೈದೇಹೀಸಹಿತಂ ಸುರದ್ರುಮತಲೇ ಹೈಮೇ ಮಹಾಮಂಡಪೇ

ಮಧ್ಯೇಪುಷ್ಪಕಮಾಸನೇ ಮಣಿಮಯೇ ವೀರಾಸನೇ ಸುಸ್ಥಿತಂ |

ಅಗ್ರೇ ವಾಚಯತಿ ಪ್ರಭಂಜನಸುತೇ ತತ್ತ್ವಂ ಮುನಿಭ್ಯಃ ಪರಂ

ವ್ಯಾಖ್ಯಾಂತಂ ಭರತಾದಿಭಿಃ ಪರಿವೃತಂ ರಾಮಂ ಭಜೇ ಶ್ಯಾಮಲಂ ||

---------------------------------------------------------

| ಸ್ತವಃ |

ಕನಕಾಂಬರ ಕಮಲಾಸನ ಜನಕಾಖಿಲ ಧಾಮ

ಸನಕಾದಿಕ ಮುನಿಮಾನಸ ಸದನಾನಘ ಭೂಮ

ಶರಣಗತ ಸುರನಾಯಕ ಚಿರಕಾಮಿತ ಕಾಮ

ಧರಣೀತಲ ತರಣ ದಶರಥನಂದನ ರಾಮ

ಸಿಶಿತಾಶನ ವನಿತಾವಧ ಜಗದಾನಂದ ರಾಮ

ಕುಶಿಕಾತ್ಮಜ ಮುಖರಕ್ಷಣ ಚಿರಕಾದ್ಭುತ ರಾಮ

ಧನಿಗೌತಮ ಗೃಹಿಣೀಸ್ವಜದಘ ಮೋಚನ ರಾಮ

ಮುನಿಮಂಡಲ ಬಹುಮಾನಿತ ಪದಪಾವನ ರಾಮ

ಸ್ಮರಶಾಸನ ಸುಶರಾಸನ ಲಘುಭಂಜನ ರಾಮ

ನರನಿರ್ಜರ ಜನರಂಜನ ಸೀತಾಪತಿ ರಾಮ

ಕುಸುಮಾಯುಧ ತನುಸುಂದರ ಕಮಲಾನನ ರಾಮ

ವಸುಮಾನಿತ ಬೃಗುಸಂಭವ ಮದಮರ್ದನ ರಾಮ

ಕರುಣಾರಸ ವರುಣಾಲಯ ನತವತ್ಸಲ ರಾಮ

ಶರಣಂ ತವ ಚರಣಂ ಭವಹರಣಂ ಮಮ ರಾಮ