ಲಿಂಗಾಷ್ಟಕಂ

| ಲಿಂಗಾಷ್ಟಕಂ |

ಪ್ರಹ್ಮಮುರಾರಿಸುರಾರ್ಚಿತಲಿಂಗಂ

ನಿರ್ಮಲಭಾಸಿತಶೋಭಿತಲಿಂಗಂ |

ಜನ್ಮಜದುಃಖವಿನಾಶಕಲಿಂಗಂ

ತತ್ಪ್ರಣಮಾಮಿ ಸದಾಶಿವಲಿಂಗಂ ||೧||

ದೇವಮುನಿಪ್ರವರಾರ್ಚಿತಲಿಂಗಂ

ಕಾಮದಹಂ ಕರುಣಾಕರಲಿಂಗಂ |

ರಾವಣದರ್ಪ ವಿನಾಶಕ ಲಿಂಗಂ

ತತ್ಪ್ರಣಮಾಮಿ ಸದಾಶಿವಲಿಂಗಂ ||೨||

ಸರ್ವಸುಗಂಧಸುಲೇಪಿತಲಿಂಗಂ

ಬುದ್ಧಿವಿವರ್ಧನಕಾರಣಲಿಂಗಂ |

ಸಿದ್ಧಿಸುರಾಸುರವಂದಿತಲಿಂಗಂ

ತತ್ಪ್ರಣಮಾಮಿ ಸದಾಶಿವಲಿಂಗಂ ||೩||

ಕನಕಮಹಾಮಣಿಭೂಷಿತಲಿಂಗಂ

ಫಣಿಪತಿವೇಷ್ಟಿತಶೋಭಿತಲಿಂಗಂ |

ದಕ್ಷಸುಯಜ್ಞವಿನಾಶನಲಿಂಗಂ

ತತ್ಪ್ರಣಮಾಮಿ ಸದಾಶಿವಲಿಂಗಂ ||೪||

ಕುಂಕುಮಚಂದನಲೇಪಿತಲಿಂಗಂ

ಪಂಕಜಹಾರಸುಶೋಭಿತಲಿಂಗಂ |

ಸಂಚಿತಪಾಪವಿನಾಶನಲಿಂಗಂ

ತತ್ಪ್ರಣಮಾಮಿ ಸದಾಶಿವಲಿಂಗಂ ||೫||

ದೇವಗಣಾರ್ಚಿತಸೇವಿತಲಿಂಗಂ

ಭಾವೈರ್ಭಕ್ತಿಭಿರೇವ ಚ ಲಿಂಗಂ |

ದಿನಕರಕೋಟಿಪ್ರಭಾಕರಲಿಂಗಂ

ತತ್ಪ್ರಣಮಾಮಿ ಸದಾಶಿವಲಿಂಗಂ ||೬||

ಅಷ್ಟದಲೋಪರಿವೇಷ್ಟಿತಲಿಂಗಂ

ಸರ್ವಸಮುದ್ಭವಕಾರಣಲಿಂಗಂ |

ಅಷ್ಟದರಿದ್ರವಿನಾಶನಲಿಂಗಂ

ತತ್ಪ್ರಣಮಾಮಿ ಸದಾಶಿವಲಿಂಗಂ ||೭||

ಸುರಾಗುರುಸುರವರಪೂಜಿತಲಿಂಗಂ

ಸುರವನಪುಷ್ಪಸದಾರ್ಚಿತಲಿಂಗಂ |

ಪರಮಪದಂ ಪರಮಾತ್ಮಕಲಿಂಗಂ

ತತ್ಪ್ರಣಮಾಮಿ ಸದಾಶಿವಲಿಂಗಂ ||೮||

ಲಿಂಗಾಷ್ಟಕಮಿದಂ ಪುಣ್ಯಂ ಯಃ ಪಠೇಚ್ಛಿವಸನ್ನಿಧೌ |

ಶಿವಲೋಕಮವಾಪ್ನೋತಿ ಶಿವೇನ ಸಹಮೋದತೇ ||

||ಶ್ರೀ ಲಿಂಗಾಷ್ಟಕಂ ಸಂಪೂರ್ಣಂ ||