| నవగ్రహ పీడా పరిహార స్తోత్రం |
గ్రహణామాదిరాదిత్యో లోకరక్షణకారకః |
విషమస్థానసంభూతాం పీడాం హరతు మే రవిః ||౧||
రోహిణీశః సుధామూర్తిః సుధాగాత్రః సుధాశనః |
విషమస్థానసంభూతాం పీడాం హరతు మే విధుః ||౨||
భూమిపుత్రో మహాతేజా జగతాం భయకృత్సదా |
వృష్టికృద్వృష్టిహర్తాచ పీడాం హరతు మే కుజః ||౩||
ఉత్పాతరూపీ జగతాం చంద్రపుత్రో మహాద్యుతిః |
సూర్యప్రియకరో విద్యాన్పీడాం హరతు మే బుధః ||౪||
దేవమంత్రీ విశాలాక్షః సదా లోకహితే రతిః |
అనేక శిష్యసంపూర్ణః పీడాం హరతు మే గురుః ||౫||
దైత్యమంత్రీ గురుస్తేషాం ప్రణవశ్చ మహాద్యుతి |
ప్రభుస్తారాగ్రహాణాం చ పీడాం హరతు మే బృగుః ||౬||
సూర్యపుత్రో దీర్ఘదేహో విశాలాక్షః శివప్రియః |
దీర్ఘచారః ప్రసన్నాత్మా పీడాం హరతు మే శనిః ||౭||
మహాశీర్షో మహావక్త్రో దీర్ఘదంష్ట్రో మహాబలః |
అతనుశ్చోర్ధ్వకేశశ్చ పీడాం హరతు మే శిఖిః ||౮||
అనేకరూప వర్ణైశ్చ శతశోథ సహస్రశః |
ఉత్పాతరూపీ జగతాం పీడాం హరతు మే తమః ||౯||
|| నవగ్రహ పీడా పరిహార స్తోత్రం సంపూర్ణం ||
No comments:
Post a Comment