| శ్రీ మహిషాసురమర్దిని స్తోత్రం |
అయిగిరినందిని నందితమేదిని విశ్వవినోదిని నందనుతే |
గిరివరవింధ్య శిరోధినివాసిని విష్ణువిలాసిని జిష్ణునుతే |
భగవతి హే శితికంఠకుటుంబిని భూరికుటుంబిని భూరికృతే |
జయ జయ హే మహిషాసురమర్దిని రమ్యకపర్దిని శైలసుతే ||౧||
సురవరవర్షిణి దుర్ధరధర్షిణి దుర్ముఖమర్షిణి హర్షరతే |
త్రిభువనపోషిణి శంకరతోషిణి కిల్బిషమోషిణి ఘోషరతే |
దనుజనిరోషిణి దుర్దమరోషిణి దుర్దమశోషిణి సింధుసుతే |
జయ జయ హే మహిషాసురమర్దిని రమ్యకపర్దిని శైలసుతే ||౨||
అయి జగదంబ మదంబ కదంబవనప్రియవాసిని హాసరతే |
శిఖరిశిరోమణి తుంగహిమాలయశృంగనిజాలయ మధ్యగతే |
మధుమధురే మధుకైటభభంజిని కైటభభంజిని రాసరతే |
జయ జయ హే మహిషాసురమర్దిని రమ్యకపర్దిని శైలసుతే ||౩||
అయి శతఖండ విఖండితరుండ వితుండితశుండ గజాధిపతే |
రిపుగజగండ విదారణచండ పరాక్రమశుండ మృగాధిపతే |
నిజభుజదండ నిపాతితచండనిపాతితముండ భాటధిపతే |
జయ జయ హే మహిషాసురమర్దిని రమ్యకపర్దిని శైలసుతే ||౪||
అయి రణదుర్మద శత్రువధోదిత దుర్ధరనిర్జర శక్తిబృతే |
చతురవిచార ధురీణమహాశివ దూతకృత ప్రమథాధిపతే |
దురితదురీహ దురాశయదుర్మద దానవదూతకృతాంతమతే |
జయ జయ హే మహిషాసురమర్దిని రమ్యకపర్దిని శైలసుతే ||౫||
అయి శరణాగతవైరివధూవర వీరవరాభయదాయకరే |
త్రిభువనమస్తక శూలవిరోధి శిరీధికృతామల శూలకరే |
ధుమిధుమితామర దుందుభినాద ముహుర్ ముఖరీకృత దిఙ్మకరే |
జయ జయ హే మహిషాసురమర్దిని రమ్యకపర్దిని శైలసుతే ||౬||
అయి నిజహుంకృతిమాత్రనిరాకృతధూమ్రవిలోచనధూమ్రశతే |
సమరవిశోషిత శోణితబీజసముద్భవశోణిత బీజలతే |
శివ శివ శుంభ నిశుంభ మహాహవతర్పిత భూత పిశాచపతే |
జయ జయ హే మహిషాసురమర్దిని రమ్యకపర్దిని శైలసుతే ||౭||
ధనురనుసంగ రణక్షణసంగ పరిస్ఫురదంగ నటత్కటకే |
కనకపిశంగపృషత్కనిషంగరసద్భటశృంగ హతావటుకే |
కృతచతురంగ బలక్షితిరంగ ఘటద్భహురంగ రటద్భటుకే |
జయ జయ హే మహిషాసురమర్దిని రమ్యకపర్దిని శైలసుతే ||౮||
జయ జయ జప్యజయేజయశబ్దపరస్తుతి తత్పర విశ్వనుతే |
భణభణభింజిమి భీంకృత నూపుర సింజిత మోహిత భూతపతే |
నటిత నటార్ధ నటీ నట నాయక నాటిత నాట్య సుగాన రతే |
జయ జయ హే మహిషాసురమర్దిని రమ్యకపర్దిని శైలసుతే ||౯||
అయి సుమనః సుమనః సుమనః సుమనః సుమనోహర కాంతియుతే |
శ్రితరజనీ రజనీ రజనీ రజనీ రజనీకర వక్త్రవృతే |
సునయన విభ్రమర భ్రమర భ్రమర భ్రమరాధిపతే |
జయ జయ హే మహిషాసురమర్దిని రమ్యకపర్దిని శైలసుతే ||౧౦||
సహితమహాహవ మల్లమతల్లిక మల్లితరల్లక మల్లరతే |
విరచితవల్లిక పల్లికమల్లిక భిల్లికభిల్లిక వర్గవృతే |
సితకృతఫుల్ల సముల్లసితారుణ తల్లజపల్లవ సల్లలితే |
జయ జయ హే మహిషాసురమర్దిని రమ్యకపర్దిని శైలసుతే ||౧౧||
అవిరలగండ గలన్మదమేదుర మత్తమతంగజ రాజపతే |
త్రిభువనభూషణ భూతకలానిధి రూపపయోనిధి రాజసుతే |
అయి సుదతీజన లాలసమానస మోహనమన్మథ రాజసుతే |
జయ జయ హే మహిషాసురమర్దిని రమ్యకపర్దిని శైలసుతే ||౧౨||
కమలదలామల కోమలకాంతికలాకలితామల భాలలతే |
సకలవిలాస కలానిలయక్రమ కేలిచలత్కల హంసకులే |
అలికులసంకుల కువలయమండల మౌలిమిలద్ బహులాలికులే |
జయ జయ హే మహిషాసురమర్దిని రమ్యకపర్దిని శైలసుతే ||౧౩||
కర మురలీ రవ వీజిత కూజిత లజ్జిత కోకిల మంజిమతే |
మిలితపులింద మనోహరగుంజిత రంజితశైల నికుంజగతే |
నిజగుణభూత మహాశబరీగణ సద్గుణసంభృత కేలితలే |
జయ జయ హే మహిషాసురమర్దిని రమ్యకపర్దిని శైలసుతే ||౧౪||
కటితటనీత దుకూలవిచిత్ర మయూఖతిరస్కృత చంద్రరుచే |
ప్రణతసురాసుర మౌలిమణిస్ఫుర దంశులసన్నఖ చంద్రరుచే |
జితకనకాచల మౌలిపదోర్జిత నిర్భరకుంజర కుంభకుచే |
జయ జయ హే మహిషాసురమర్దిని రమ్యకపర్దిని శైలసుతే ||౧౫||
విజిత సహస్ర కరైక సహస్ర కరైక సహస్ర కరైక నుతే |
కృతసురతారక సంగరతారక సంగరతారక సూనుసుతే |
సురథసమాధి సమానసమాధి సమాధిసమాధి సుజాతరతే |
జయ జయ హే మహిషాసురమర్దిని రమ్యకపర్దిని శైలసుతే ||౧౬||
పదకమలం కరుణానిలయే వరివస్యతి యోనుదినం స శివే |
అయి కమలే కమలానిలయే కమలానిలయః స కథం న భవేత్ |
తవ పదమేవ పరంపదమిత్యనుశీలయతో మమ కిం న శివే |
జయ జయ హే మహిషాసురమర్దిని రమ్యకపర్దిని శైలసుతే ||౧౭||
కనకలసత్కల సింధుజలైరను సింజినుతే గుణ రంగభువం |
భజతి స కిం న శచీకుచకుంభ తటీపరిరంభసుఖానుభవం |
తవచరణం శరణం కరవాణి నతామరవాణి నివాసిశివం |
జయ జయ హే మహిషాసురమర్దిని రమ్యకపర్దిని శైలసుతే ||౧౮||
తవవిమలేందుకులం వదనేందుమలం సకలం ననుకూలయతే |
కిము పురుహూతపురీందుముఖీ సుముఖీభిరసౌ విముఖీక్రియతే |
మమ తు మతం శివనామధనే భవతీ కృపయా కిముత క్రియతే |
జయ జయ హే మహిషాసురమర్దిని రమ్యకపర్దిని శైలసుతే ||౧౯||
అయి మయి దీనదయాలుతయా కృపయైవ త్వయా భవితవ్యముమే |
అయి జగతో జనని కృపయాసి యథాసి తథానుమితాసిరతే |
యదుచితమత్ర భవత్యురరీ కురుతా దురుతాప మపా కురుతే |
జయ జయ హే మహిషాసురమర్దిని రమ్యకపర్దిని శైలసుతే ||౨౦||
|| శ్రీ మహిషాసురమర్దిని స్తోత్రం సంపూర్ణం ||
|| శ్రీ జగదాంబార్పణమస్తు ||
No comments:
Post a Comment