| శ్రీరామ ధ్యానం |
వేదవేద్యే పరే పుంసి జాతే దశరథాత్మజే |
వేదః ప్రాచేతసాదాసీత్ సాక్షాద్రామాయణాత్మనా ||
కూజంతం రామరామేతి మధురం మధురాక్షరం |
ఆరుహ్య కవితాశాఖాం వందే వాల్మీకికోకిలం ||
వాల్మికేర్మునిసింహస్య కవితావనచారిణః |
శృణ్వన్ రామకథానాదం కో న యాతి పరాం గతిం ||
---------------------------------------------------------
| స్తవః |
వణానామర్థసంఘానాం రసానాం ఛందసామపి |
మంగలానాం చ కర్తారౌ వందే వాణీవినాయకౌ ||
భవానీశంకరౌ వందే శ్రద్ధావిశ్వాసరూపిణౌ |
యాభ్యాం వినా న పశ్యంతి సిద్ధాః స్వాంతస్థమీశ్వరం ||
వందే బోధమయం నిత్యం గురుం శంకరరూపిణం |
యమాశ్రితో హి వక్రోపి చంద్రః సర్వత్ర వంద్యతే ||
సీతారామగుణగ్రామపుణ్యారణ్యవిహారిణౌ |
వందే విశుద్ధవిజ్ఞానౌ కవీశ్వరకపీశ్వరౌ ||
ఉద్భవస్థితిసంహారకారిణీం క్లేశహారిణీం |
సర్వశ్రేయస్కరీం సీతాం నతోహం రామవల్లభాం ||
యన్మాయావశవర్తి విశ్వమఖిలం బ్రహ్మాదిదేవాసురాః
యత్సత్త్వాదమృశైవ భాతి రజ్జౌ యథాహేర్భ్రమః |
యత్పాదప్లవమేకమేవ హి భవాంభోధేస్తితీర్షావతాం
వందేహం తమశేషకారణపరం రామాఖ్యామీశం హరిం ||
ప్రసన్నతాం యా న గతాభిషేకతస్తథా న మమ్లేవనవాసదుఃఖతః |
ముఖాంబుజశ్రీ రఘునందనస్య మే సదాస్తు సా మంజులమంగలప్రదా ||
నీలాంబుజశ్యామలకోమలాంగం సీతాసమారోపితవామభాగం |
పాణౌ మహాసాయకచారుచాపం నమామి రామం రఘువంశనాథం ||
మూలం ధర్మర్తరోర్వివేకజలధేః పూర్ణేందుమానందనం
వైరాగ్యాంబుజభాస్కరం హ్యఘఘనధ్వాంతాపహం తాపహం |
మోహాంభోధరపూగపాటనవిధౌ స్వః సంభవం శంకరం
వందే బ్రహ్మకులం కలంకశమనం శ్రీ రామభూపప్రియం ||
సాంద్రానందప యోదసౌభగతనుం పీతాంబరం సుందరం
పాణౌ బాణశరాసనం కటిలసత్తూణీరభారం వరం |
రాజీవాయతలోచనం ధ్రూతజటాజూటేన సంశోభితం
సీతాలక్ష్మణసంయుతం పథిగతం రామాభిరామం భజే ||
కుందేదీవరసుందరావతిబలౌ విజ్ఞానధామావుభౌ
శోభాఢ్యౌ వరధన్వినౌ శ్రుతినుతౌ గోవిప్రవృందప్రియౌ |
మాయామానుషరూపిణౌ రఘువరౌ సద్ధర్మవర్మౌ హి తౌ
సీతాన్వేషణతత్పరౌ పథిగతౌ భక్తిప్రదౌ తౌ హి నః ||
బ్రహ్మాంభోధిసముధ్భవం కలిమలప్రధ్వంసనం చావ్యయం
శ్రీమచ్ఛంభుముఖేందుసుందరవరే సంశోభితం సర్వదా |
సంసారామయభేషజం సుఖకరం శ్రీజానకీజీవనం
ధన్యాస్తే కృతినః పిబంతి సతతం శ్రీరామనామామృతం ||
శాంతం శాశ్వతమప్రమేయమనఘం నిర్వాణశాంతిప్రదం
బ్రహ్మాశంభుఫణీంద్రసేవ్యమనిశం వేదాంతవేద్యం విభుం |
రామాఖ్యం జగదీశ్వరం సురగురుం మాయామనుష్యం హరిం
వందేహం కరుణాకరం రఘువరం భూపాలచూడామణిం ||
కేకీకంఠాభనీలం సురవరవిలసద్విప్రపాదాబ్జచిహ్నం
శోభాఢ్యం పీతవస్త్రం సరసిజనయనం సర్వదా సుప్రసన్నం |
పాణౌ నారాచచాపం కపినికరయుతం బంధునా సేవ్యమానం
నౌమీడ్యం జానకీశం రఘువరమనిశం పుష్పకారూఢరామం ||
ఆర్తానామార్తిహంతారం భీతానాం భయనాశనం
ద్విషతాం కాలదండం తం రామచంద్రం నమామ్యహం |
శ్రీరాఘవం దశరథాత్మజమప్రమేయం సీతాపతిం రఘుకులాన్వయరత్నదీపం
ఆజానుబాహుమరవిందదలాయతాక్షం రామం నిశాచరవినాశకరం నమామి ||
వైదేహీసహితం సురద్రుమతలే హైమే మహామండపే
మధ్యేపుష్పకమాసనే మణిమయే వీరాసనే సుస్థితం |
అగ్రే వాచయతి ప్రభంజనసుతే తత్త్వం మునిభ్యః పరం
వ్యాఖ్యాంతం భరతాదిభిః పరివృతం రామం భజే శ్యామలం ||
|| శ్రీ గురుభ్యో నమః హరిః ఓం ||
---------------------------------------------------------
| స్తవః |
కనకాంబర కమలాసన జనకాఖిల ధామ
సనకాదిక మునిమానస సదనానఘ భూమ
శరణగత సురనాయక చిరకామిత కామ
ధరణీతల తరణ దశరథనందన రామ
సిశితాశన వనితావధ జగదానంద రామ
కుశికాత్మజ ముఖరక్షణ చిరకాద్భుత రామ
ధనిగౌతమ గృహిణీస్వజదఘ మోచన రామ
మునిమండల బహుమానిత పదపావన రామ
స్మరశాసన సుశరాసన లఘుభంజన రామ
నరనిర్జర జనరంజన సీతాపతి రామ
కుసుమాయుధ తనుసుందర కమలానన రామ
వసుమానిత బృగుసంభవ మదమర్దన రామ
కరుణారస వరుణాలయ నతవత్సల రామ
శరణం తవ చరణం భవహరణం మమ రామ
|| శ్రీ గురుభ్యో నమః హరిః ఓం ||
---------------------------------------------------------
| ప్రణామః |
ఆపదామపహర్తారం దాతారం సర్వసంపదాం |
లోకాభిరామం శ్రీరామం భూయో భూయో నమామ్యహం ||
రామాయ రామచంద్రాయ రామభద్రాయ వేధసే |
రఘునాథాయ నాథాయ సీతాయః పతయే నమః ||
అతులితబలధామం స్వర్ణశైలాభదేహం
ధనుజవనకృశానుం జ్ఞానినామగ్రగణ్యం |
సకలగుణనిధానం వానరాణామధీశం
రఘుపతివరదూతం వాతనాతం నమామి ||
గోష్పదీకృతవారీశం మశకీకృతరాక్షసం |
రామాయణమహామాలారత్నం వందేనిలాత్మజం ||
అంజనానందనం వీరం జానకీశోకనాశనం |
కపీశమక్షహంతారం వందే లంకాభయంకరం ||
ఉల్లంఘ్య సింధోః సలిలం సలీలం యః శోకవహ్నిం జనకాత్మజాయాః |
ఆదాయ తేనైవ దదాహ లంకాం నమామి తం ప్రాంజలిరాంజనేయం ||
మనోజవం మారుతతుల్యవేగం జితేంద్రియం బుద్ధిమతాం వరిష్ఠం |
వాతాత్మజం వానరయూథముఖ్యం శ్రీరామదూతం శిరసా నమామి ||
ఆమ్జనేయమతిపాటలాననం కాంచనాద్రికమనీయవిగ్రహం |
పారిజాతతరమూలవాసినం భావయామి పవమాననందనం ||
యత్ర యత్ర రఘునాథకీర్తనం తత్ర తత్ర కృతమస్తకాంజలిం |
బాష్పవారిపరిపూర్ణలోచనం మారుతిం నమత రాక్షసాంతకం ||
|| శ్రీ గురుభ్యో నమః హరిః ఓం ||
---------------------------------------------------------
| మంగలం |
మంగలం కోసలేంద్రాయ మహనీయగుణాబ్ధయే |
చక్రవర్తితనూజాయ సార్వభౌమాయ మంగలం ||౧||
వేదవేదాంతవేద్యాయ మేఘశ్యామలమూర్తయే |
పుంసాం మోహనరూపాయ పుణ్యశ్లోకాయ మంగలం ||౨||
విశ్వామిత్రాంతరంగాయ మిథిలానగరీపతేః |
భాగ్యానాం పరిపాకాయ భవ్యరూపాయ మంగలం ||౩||
పితృభక్తాయ సతతం భ్రాతృభిః సహ సీతయా |
నందితాఖిలలోకాయ రామభద్రాయ మంగలం ||౪||
త్యక్తసాకేతవాసాయ చిత్రకూటవిహారిణే |
సేవ్యాయ సర్వయమీనాం ధీరోదారాయ మంగలం ||౫||
సౌమిత్రిణా చ జానక్యా చాపబాణాసిధారిణే |
సంసేవ్యాయ సదా భక్త్యా స్వామినే మమ మంగలం ||౬||
దండకారణ్యవాసాయ ఖండితామరశత్రవే |
గృదృరాజాయ భక్తాయ ముక్తిదాయాస్తు మంగలం ||౭||
సాదరం శబరిదత్తఫలమూలాభిలాషిణే |
సౌలభ్యపరిపూర్ణాయ సత్త్వోద్రిక్తాయ మంగలం ||౮||
హనుమత్సవవేతాయ హరీశాభీష్టదాయినే |
వాలిప్రమథనాయాస్తు మహాధీరాయ మంగలం ||౯||
శ్రీమతే రఘువీరాయ సేతూల్లంఘితసింధవే |
జితరాక్షసరాజాయ రామభద్రాయ మంగలం ||౧౦||
ఆసాద్య నగరీం దివ్యామభిషిక్తాయ సీతయా |
రాజాధిరాజరాజాయ రామభద్రాయ మంగలం ||౧౧||
మంగలాశాసనపరైర్మదాచార్యపురోగమైః |
సర్వైశ్చపూర్వైరాచార్యైఃసత్కృతాయాస్తు మంగలం ||౧౨||
|| శ్రీ గురుభ్యో నమః హరిః ఓం ||
---------------------------------------------------------
సకృదేవ ప్రపన్నాయ తవాస్మీతి చ యాచతే |
అభయం సర్వభూతేభ్యో దదామ్యేతద్వ్రతం మమ |
ఆనయ్యెనం హరిశ్రేష్ఠ దత్తమస్యాభయం మయా |
విభీషణో వా సుగ్రీవ యది వా రావణః స్వయం ||
యావత్ స్థాసృంతి గిరయః సరితశ్చ మహీతలే |
తావద్రామాయణకథా లోకేషు ప్రచరిష్యతి ||
పై శ్లోకాల కర్త ఎవరండి?
ReplyDelete