| లలితాపంచరత్నం |
ప్రాతః స్మరామి లలితావదనారవిందం
బింబాధరం పృథులమౌక్తికశోభినాసం |
ఆకర్ణదీర్ఘనయనం మణికుండలాఢ్యం
మందస్మితం మృగమదోజ్వలఫాలదేశం ||
ప్రాతర్భజామి లలితాభుజకల్పవల్లీం
రక్తాంగులీయలసదంగులిపల్లవాఢ్యాం |
మాణిక్యహేమవలయాంగదశోభమానాం
పుడ్రేక్షుచాపకుసుమేషుసృణీర్దదానాం ||
ప్రాతర్నమామి లలితాచరణారవిందం
భక్తేష్టదాననిరతం భవసింధుపోతం |
పద్మాసనాదిసురనాయకపూజనీయం
పద్మాంకుషద్వజసుదర్శనలాంఛనాఢ్యం ||
ప్రాతః స్తువే పరశివాం లలితాం భవానీఓ
త్రయ్యంతవేద్యవిభవాం కరుణానవద్యాం ||
విశ్వస్య సృష్టివిలయస్థితిహేతుభూతాం
విద్యేశ్వరీం నిగమవాఙ్మనసాతిదూరాం ||
ప్రాతర్నమామి లలితే తవ పుణ్యనామ
కామేశ్వరీతి కమలేతి మహెస్వరీతి |
శ్రీశాంభవీతి జగతాం జననీ పరేతి
వాగ్దేవతీతి వచసా త్రిపురేశ్వరీతి ||
యః శ్లోకపంచకమిదం లలితాంబికాయాః
సౌభాగ్యదం సులలితం పఠతి ప్రభాతే |
తస్మై దదాతి లలితా ఝటితి ప్రసన్నా
విద్యాం శ్రియం విమలసౌఖ్యమనంతకీర్తిం ||
No comments:
Post a Comment